Diasabra madruga a drenta informe di un accidente na Madiki, mesora a dirigi un patruya na e sitio. Na yegada di e patruya a bin compronde cu un chauffeur burachi a perde control baha caminda y a ranca un palo di lus cu transformer riba dje lagando wayanan meymey di caminda y e bario sin coriente. Afortunadamente ningun hende a resulta herida. Eynan mesora polis a detene e chauffeur y a avisa Elmar pa bini na e sitio pa re-establece e suministro di coriente. Polis mientrastanto a hiba e chauffeur na warda di polis pa procesa e detencion. Lo tarda un bon rato prome cu re-establece e suministro di coriente.