EAGLE BEACH, Aruba – April 10, 2025 – Den un mundo yena di zonido, Bucuti & Tara Beach Resort, ta invita tanto huesped como localnan pa experencia su sesionnan nobo di yoga cu ta incorpora Sound Healing, diseña pa elimina e caos di afo y laga participantenan reconecta cu nan mes. E sesionnan ta tuma luga riba e dek nobo di yoga rondona di naturalesa, den un ambiente trankilo y di luho relaha na e resort exclusivo pa adulto. Huespednan y localnan ta invita pa sinti e harmonia entre mente, curpa y spirito cu e experencia nobo aki.
E debut ceremonioso di e dek nobo di yoga na cuminsamento di januari a inclui un elemento unico di Sound Healing conhuntamente cu yoga. For di e momento ey, Bucuti & Tara a ricibi hopi peticion for di localnan pa inclui yoga cu Sound Healing manera parti regular di su programa completo di bienestar. E resort ta contento di por ofrece esaki y ta agradecido pa e sosten y interes di e comunidad Arubano.
Un experencia di Yoga multisentido den pas sin interupcion
Yoga riba e dek nobo di Bucuti & Tara ta pone participantenan den e curason di su patio trankilo. Cubri pa solo y rondona pa matanan nativo, incluyendo e palo di mango floreciente cu tabata e prome palo planta pa e fundacion cu e resort a co-funda, Ban Lanta y Planta, participantenan ta sinti e comodidad nutritivo di naturalesa Arubano. Olanan suave ta yega na un banda, e bientonan suave ta zwaai e palmanan, parhanan cantante ta bula. E ambiente trankil ta liber di interupcion.
E experience unico di Sound Healing cu yoga ta ofrece un variedad di benefician fisico, mental y emocional. E experencia multisentido aki ta mehora e experencia di bienestar general.
Beneficionan di Sound Healing cu Yoga
- Reduci stress
E combinacion di movecion consciente di yoga cu e zonido calmante di instrumento manera singing bowls, chimes y gongs ta stimula e sistema nervioso relaha. Esaki ta baha e nivel di cortisol (hormona di stress) y ta promove un estado di relahacion profundo.
- Mehora e contacto entre mente y curpa
Frecuencianan di zonido ta yuda sincronisa e tononan celebral, asina stimulando un estado di consenshi meditativo. E ritmo natural di Sound Healing ta yuda participantenan keda presente y fortalece e coneccion cu nan rosea y movecion. - Mehora enfoke y claridad mental
E vibracion di instrumento di Sound Healing ta crea un punto di enfoke sensorial, yudando pa trankilisa e “ruido mental” y mehora e concentracion durante e sesion. Esaki ta mehora e conscientisacion y ta fomenta un sentido di pas interno. - Stimula sanacion fisico y fluho di energia
E vibracion di zonido por stimula e curpa na nivel celular, promove circulacion y libera tension muscular. Cierto frecuencianan ta kere cu por alinia y balansa e centronan di energia (chakras), promoviendo harmonia general. - Complementa e ambiente natural
Practica yoga riba e dek nobo na Bucuti & Tara rondona pa naturalesa ta fortalece e efectonan di zonido y movimiento. E zonido trankilisante di blachinan cu ta supla y canto di parhanan ta mescla cu e tono di sanacion pa crea un experencia sensorial holistico y profundo. - Promove balansa emocional
E vibracion di zonido por yuda libera blokeonan emocional y stimula sintimento di alegria, pas y stabilidad. Combinando yoga cu Sound Healing ta facilita liberacion emocional y ta traha riba e balans interior.
Con pa asisti na e klasnan nobo di yoga cu sanacion di zonido na Bucuti & Tara
Bucuti & Tara ta invita bo persona pa participa den su klasnan nobo di yoga ku sanacion di zonido dos biaha pa siman. Actualmente, e klasnan ta tuma luga:
Diadomingo mainta 9:30 a.m. cu Andrea Herrera, Instructora di Bienestar holistico
Diabierna anochi 6:30 p.m. cu Dagmara Avanindra
Adultonan local (18+ aña ) den tur nivel ta bon bini. Participantenan por registra online. Pa haya e yoga deck, mester pasa door di e lobby di Bucuti. E orario ta suheto na cambio. Parking ta gratis.
