Dialuna madruga a drenta informe di un accidente na Bucutiweg, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur di un Hyundai Elantra biniendo cu velocidad halto y cu pa un motibo of otro no a ripara e hekki di airport dilanti Varadero a pasa door di e hekki y a bay paden. Na yegada di polis e chauffeur a bandona pero manera polis a yega e posibel chauffeur a aparece. Afortunadamente ningun hende a resulta herida.