ORANJESTAD – Departamento di Asuntonan Economico, Comercio y Industria mediante su
unidad di Iniciativa pa Desaroyo pa Empresa Arubano (IDEA) ta organisado e workshop “Silver
Entrepreneurship: for the retired or soon to be retired”. E workshop informativo y interesante ta
pa pensionado of personanan cu ta casi yega e edad di pensioen (60+).
E workshop ta parti di e maneho di Ministerio di Asunto Economico pa stimula
entrepreneurship.
Si acaso bo ta un pensionado, of dentro di corto plaso lo baha cu pensioen y bo kier sigui uza bo
carera y experiencia di bida den bo mesun negoshi y ta pensando: ‘con pa cuminsa’ of ‘kico pa
bay haci awo’ of si acaso bo ta bezig cu bo negoshi caba y kier sigui update bo mes cu
tecnologia y innovacion….Wel, esaki ta bo oportunidad pa sigui un workshop cu ta contene hopi
informacion!

E topiconan cu ta bay presenta durante e 2 dianan di workshop ta lo siguiente:

 Social Media / Branding – e participantenan lo siña con pa ‘brand’ nan producto of
servicio riba media social.

 Artificial Intelligence (AI) – e participantenan lo haya oportunidad pa explora e mundo
di AI y sa con pa aplica esaki den nan negoshi.

 Cryptocurrency (Crypto) – e participantenan lo haya un miho comprondemento tocante
moneda digital manera Bitcoin y e tecnologia di deposito di data Blockchain.

 “Con nos ta para y con nos lo sigui?” – e participantenan lo haya chens pa entre otro
intercambia nan experiencianan y duna conseho .

E workshopnan aki lo ta completamente gratis y lo tuma lugar dianan 9 y 10 di april venidero,
entre 8:30 am pa 12:15 pm na Departamento di Asuntonan Economico, Comercio y Industria,
situa na Sun Plaza, riba e di dos piso, sala # 25.
Solamente, si acaso bo persona ta desea pa participa tur 2 dia den e workshopnan aki y bo
ta casi 60 aña of mas grandi cu 60, bo por registra via e siguiente email: j.trim@deaci.aw.
Si acaso mester di mas informacion por yama IDEA na telefon #: 521-2440 // 521-2400.

Cupo ta limita, nos ta wardabo!
Abo tin un Idea? Haci bo Idea realidad. Bishita Idea na Departamento di Asuntonan
Economico, Comercio y Industria, na Sun Plaza di dos piso, y nan lo yudabo cu tur
informacion y guia necesario.