Dialuna atardi a drenta informe di un accidente cu hende herida dilanti Caya Grandi Service Station, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un dama di edad coriendo un Suzuki Ignis biniendo for di Caya G.F. “Betico” Croes a subi e crusada sin duna preferencia net ora cu un Mitsubishi Sportero L200 tabata bini y a dal e Ignis. Debi na e impacto e dama di edad a resulta herida. Na yegada di e ambulans nan a atende e dama levemente herida na e sitio mes.