Diadomingo mainta a drenta informe di un accidente cu hende herida dilanti di Imelda Hof na Boegoeroei, mesora a dirigi tanto polis como ambulans na e sitio. Na yegada di e patruya a bin compronde cu un abeha a aparece den e auto Mitsubishi Lancer cual a pone e chauffeur drenta panico kita na man robes y ela bay dal semi frontal riba un Nissan Versa di trafico contrario. E impacto a desvia e Lancer sigui bay banda robes subi acera y pega den poco cadushi. Den e impacto aki e chauffeur di e Lancer a resulta levemente herida. Na yegada di e ambulans nan a atende y a transporte pa hospital.