Diabierna merdia a drenta informe di un accidente cu hende herida dilanti Bubali Commercial Center, mesora a dirigi tanto un patruya como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Toyota Yaris biniendo for di Washington a bay mucho dilanti y un Kia Rio a pasa raspa e front di e Yaris. Debi na e impacto e chauffeur di e Kia Rio a resulta herida. Na yegada di e ambulans nan a atende e victima na e sitio mes.