Diabierna merdia a drenta informe di un accidente na e rotonde Cumana riba E.J. “Watty” Vos Blvd, mesora a dirigi un patruya na e sitio. Na yegada di e patruya a bin compronde cu aki ta trata di un accidente di cadena unda un truck cu no a regula su velocidad ni a mantene distancia a bay dal tras di un auto y esaki consecutivamente a bay dal tras di un Volkswagen. Afortunadamente ningun hende a resulta herida.
