Diabierna mainta a drenta informe di un accidente cu hende herida na e crusada di Sabana Liber, mesora a dirigi tanto un patruya como tambe ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di un Hyundai cu tabata bini di nort no a mira e pick-up Saveiro cu tabata bini di pabao y a sali su dilanti dal e Saveiro den banda di e porta. Tanto e chauffeur como e pasahero cu tabata den e pick-up a resulta herida. Na yegada di e ambulans nan a atende e heridonan.