Diamars anochi a drenta informe di un accidente cu hende herida na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda 2 auto un Toyota Yaris y un Toyota Tercel tabata pustando riba e caminda principal di Paradera net na momento cu un Kia Picanto a subi caminda. Eynan tabata tin impacto di e Kia Picanto cu e Toyota Tercel y despues cu e Toyota Yaris mientras door di e impacto e Tercel a bay dal riba un palo di lus bay di banda y despues cay riba su cuatro wielnan bek lagando un persona levemente herida. E hobennan den e auto a baha bay agredi e homber cu a sali nan dilanti. Familiarnan tur cu tabata na e cas eybanda a sali na defensa y a start un bululu unda casi a start cu partimento di sla. Polisnan a calma e situacion pa por a atende cu e accidente, polis a detene 2 persona un pa menasa y e otro pa insulta polis. Un persona a keda levemente herida na yegada di e ambulans nan a atende e victima. Polis a logra saca afor ken tabata stuur y cua nan tabata stuur.