Diadommingo mainta e Centro di Operacionnan Maritimo di Guarda Costa na Curacao a ricibi informacion di dos piscado den peliger cerca di Caracasbaai. Segun e informe, e dos piscadornan local a bin termina den lama despues di cu nan boto a bolter. Inmediatamente yamadanan a ser haci na e botonan den e area pa nan ofrece ayuda. E personal di Ocean Encounters, cual tabata encontra cerca, a logra saca episcadornanfor di e awa. Inmediatamente nan a cuminsa cu reanimacion di un di nan. Mientras tanto, inmediatamente a informa e organisacion di voluntario CITRO. Un di e botonan di CITRO cu a yuda durante henter e evento di landamento den awanan habri a yega e barco de Ocean Encounters den apenas algun minuut pa brinda mas asistencia.
Tur e intentonan di reanimacion a continua di parti di e personal di Ocean Encounters y CITRO, y a dicidi traslada e piscado cu e boto di CITRO te na e haf di piscado na Caracasbaai, unda na e momentonan ey un ambulans di Cruz Cora tabata cla wardandonan. Na su yegada, e piscado a ser entrega na e personal di ambulans di Cruz Cora. Cuerpo policial di CuracaoLa Fuerza de Policía de Curazao a informa Guarda Costa cu e piscado a fayece durante su traslado pa e Centro Medico di Curacao (CMC). Nos ta extende nos mas sincero palabranan di condolencia y ta desea e famia hopi forsa na e momentonan dificil aki.