Diadomingo mainta a drenta informe di algun accidente poco straño a sosode, mesora a dirigi un patruya na e sitio y despues ambulans. E prome tabata cu un auto a dal un palo di lus, despues un otro accidente na Papilon y finalmente e dama chauffeur cu a ocasiona esaki a logra yega su cas cu auto na werki y un otro chauffeur cu auto kibra y herida. Ta trata aki du un dama bao influencia cu na Canashito a ranca un palo di lus kibra y esaki a cay riba su auto lagando esaki na werki. Ela hala esaki for di riba su auto y a bente abao y sigui core cu e auto na werki cu 2 taira gekap rascando ful e caminda. Na Papilon ela tuma un birada bay dal un Suzuki SX4 den banda y a sigui core te na su cas na Sabana Grandi. Na yegada di polis e prome cos cu nan a haci ta detene e dama chauffeur di e Chevrolet Groove Premier cu a causa tur e desaster aki. E chauffeur di e Suzuki SX4 a resulta herida y a pidi ambulans pa e chauffeur aki. Na yegada di e ambulans nan a atende e chauffeur.