Diabierna atardi a drenta informe di cu un cacho a ataca un mucha na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu e doñonan di e cacho awe atrobe a laga e porta habri y e cacho a sali y esaki a bay ataca muchanan hungando den e bario. Un di e muchanan a logra scapa for di e cacho pero un otro mucha su man a keda casi completamente destrosa. E habitantenan di e bario mesora a sali pa yuda e mucha ataca mientras na yegada di e ambulans mesora a pone den e ambulans pa administre prome auxilio y a hibe hospital pa atencion medico avansa. Na e sitio por a tende cu awe den Santa Cruz so tabata tin 3 caso cu cachonan ta ataca hende. Na Cas Ariba, banda di e Misa Protestant na Piedra Plat y awor na Piedra Plat tambe unda eynan na varios ocasion ta laga e porta habri pa e cacho sali haci su gracia y fechoria.