Pa medio di e comunicado aki Comision Celebracion Dianan Nacional (CCDN) ta informa cu e aña aki un biaha mas lo organisa e desfile nacional di gruponan uniforma riba Dia di Himno y Bandera dilanti Plaza Libertador Gilberto F. ‘Betico’ Croes despues di e acto protocolar dia 18 di maart mainta.

Aki ta sigui un resumen di e puntonan mas importante pa tur gruponan comunitario cu ta desea di participa:

Desfile Nacional Himno y Bandera 2025

• Fecha: 18 di maart 2025 (Dia di Himno y Bandera).
• Lugar: DilantiPlaza Libertador Gilberto F. ‘Betico’ Croes (Oranjestad).
• Organisador:Comision Celebracion Dianan Nacional (CCDN).
• Participantenan: Gruponan uniforma cu tin un meta comunitario, manera:
  • Gruponan gubernamental uniforma.
  • Gruponan di deporte uniforma.
  • Gruponan di baile den trahe folklórico.

Obhjetivo di e Desfile

E desfile ta pa duna reconocimento na e gruponan uniforma cu ta contribuí na e bienestar y desaroyo di e hobennan y comunidad den general.

Inscripcion

• Formulario di Inscripcion: Por ricibi via e-mail:ccdn@cultura.aw.
• Ultimo fecha pa inscripcion:Dialuna 10 di maart 2024.
• Contacto adicional: Por tuma contacto via WhatsApp na+297 562-9129.

Reglanan Importante

• No ta permiti: Bestia of vehiculo di motor den e desfile.
• Planificacion: E comision ta pidi pa haci e inscripcionnan na tempo pa por organisa e logística corectamente.

Importancia di e Evento

E desfile ta un manera pa celebra y honra e contribucion di e gruponan uniforma na e comunidad, y tambe pa enfatisa e balor di e Himno y Bandera di Aruba. E ta un evento cu ta uni e comunidad y ta mustra e orguyo nacional.

Un apelacion na tur organisacion, no tarda pa registra!

For di awo caba Comision Celebracion Dianan Nacional ta desea henter pueblo di Aruba, Un Feliz Dia di Himno y Bandera 2025.