Pa algun dia caba chauffeurnan di Arubus ta nota cu un mata di kwihi ta sigui sak y cu pronto e bus no lo por pasa mas bao di e mata aki na entrada banda pabao di busstation na Oranjestad. Diaranson anochi un bus drentando a pasa bay dal riba dje. No ta por nada nan ta avisa locual ta pasando pa alerta pa nan haci algo cu’ne. Ta varios mata ta colga y rama ta crece y e chauffeurnan ta avisa pero mayoria bes “ora e baca hoga ta dempel e pos”. Diaranson anochi mester a busca ayudo di D.O.W. pa corta e mata aki pa asina logra saca e bus for di bao di dje sin mester haci mas daño na e bus.