Diaranson merdia a drenta informe di un accidente cu hende herida na Savaneta, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda un Honda Fit a subi e caminda sin a duna preferencia na e Suzuki Spresso cu tabata bahando for di pariba. Debi na e impacto ambos auto a bay para pazuid di caminda y un persona a resulta levemente herida. Na yegada di e ambulans nan a atende e victima na e sitio mes.