Diamars merdia a drenta informe di un accidente cu hende herida dilanti e hotelnan na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un turista masculino riba un electric step a yega crusa dilanti un auto y a dal e turista mand’e halto cay riba e hood cu windshield destruyendo esakinan. Debi na e impacto e turista a resulta herida y na yegada di e ambulans nan a atende e victima y a transporte pa hospital.