Diamars mainta a drenta informe di cu un persona a muri hoga na “Bara” 6 miya pazuid di Aruba, mesora a dirigi tanto polis como guarda costa na e sitio. Na yegada di autoridad a bin compronde cu un persona conosi como piscado di hopi aña ora di baha anker na “Bara” e cabuya di anker a lora na su pia y esaki a bay fondo cun’e. Mesora nan a bula su tras pero ora a trese ariba nan a haci maximo esfuerso pero no a logra salb’e. Via V.H.F. Marine a bati alarma y a trece e curpa na waf di Barcadera pero a desvia esaki pa Savaneta Kamp. Eynan dokter a constata e morto di Inocencio Filomeno Matos naci na Aruba 22 di juni 1943. awe24.com ta extende nos mas sincero palabranan di condolencia na su famia.

—Cuerpo Policial Ta Informa—

UN INCIDENTE LAMENTABEL TA COSTA BIDA UN LOCAL RIBA LAMA

Awe pa mas o menos 10’or di mainta central di polis ta wordo informa dor di personal di Maritiem cu dos piscado a bay pisca y na unda un di nan a cay den lama.

A informa kustwacht na unda a bay di biaha pa zuid di Barcadera. Eynan a bin topa cu e boto di piscado. E homber riba e boto a informanan cu su amigo piscado a cay na awa y no ta reacionando. Personal di Kustwacht a haci nan esfuerso pero e persona no tabata duna señal di bida.

A trece e boto como tambe e tripulante y e victima na Mareniers Kazerne.
Eynan dr.forensico como tambe polis forensico y slachtoffeehulp tabata wardando riba nan.

Lamentamblemente no por a haci nada mas y constata morto di e homber Inocencio Filomeno Matos naci na Aruba 22 juni 1943 (81 aña).

Cuerpo Policial ta manda palabra di condolencia y forsa na famia di e fayecido.