Ministerio Publico y Cuerpo Polis ta informa un y tur cu, polis lo controla preventivamente pa detecta posesion di arma di candela e weekend aki di Carnaval.

1. Durante Lighting Parade na Oranjestad:
* 22 di februari 2025 te 23 di februari 2025 di 20.00 or te 03.30 or
2. Durante Parada di Mucha na San Nicolas:
* 23 di februari 2025 di 13.00 or te 18.30 or.

Polis, riba peticion di Ministerio Publico, a wordo autoriza dor di huez-comisario pa para personanan y controla na nan paña. Banda di esey nan ta autoriza pa habri tas y pakinan y busca den nan, y pa busca den autonan, brommernan y otro vehiculanan pa detecta posesion di arma di candela.