Diamars anochi a drenta informe pa ambulans bay cu urgencia pa Caya Maishi Rabo pa un persona di 72 aña cu problema di pulmon indicando cu nan a dun’e medicamentonan pero esaki no a yuda y ta pidi ambulans cu urgencia, mesora a dirigi un ambulans na e sitio. Na yegada di e ambulans nan a transporta e paciente pa hospital. Na hospital a haci tur esfuerzo pa yud’e pero e no a logra y pa mey anochi dokter na hospital a declara cu e paciente conosi como e gran tumbero di tur tempo Roland Narciso “Chicho” Kock a fayece! Un dolor inmenso a drenta curason di tur su famia, conosirnan y su fansnan cu net den e temporada aki di final di Carnaval e ta fayece. Den su ultimo reconocimento e tabata mustra asina alegre pa den apenas algun dia ela bay den e Reino Celestial unda eynan sigur Dios tin un lugar special p’e pa tur e amor y sosten cu su pueblo a brind’e!