Diadomingo anochi a drenta informe di un accidente cu hende herida banda di Colegio San Hose na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena entre 3 auto unda un chauffeur di un Kia Rio no a regula su velocidad ni a mantene distancia a bay dal tras di un Kia Picanto y consecutivamente esaki a bay dal tras di e Toyota Yaris su dilanti. Debi na e impacto algun mucha ocupante a resulta herida. Polis a detene e chauffeur burachi y na yegada di e ambulansnan a atende e muchanan herida.