Diadomingo mainta a drenta informe di un accidente cu hende herida na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan Cube no a regula su velocidad ni a mantene distancia a bay dal tras di un Chevrolet Colorado pick-up. Un persona den e pick-up tabata keha di dolor na nek. Na yegada di e ambulans nan a atende e dama na e sitio mes y a consehe si e dolor bira mas pa e bay hospital.