Dialuna madruga a drenta informe di un accidente na Caya G.F. “Betico” Croes dilanti Flamingo Appartments, meaora a dirigi un patruya na e sitio. Na yegada di e patruya a bin compronde cu e chauffeur di un pick-up a perde control baha caminda bay dal riba un mata di kwihi y causa daño na un palo di lus. Ora polis a test e chauffeur a bin resulta cu ela surpasa e limite permiti pa ley. Polis a detene y a bay cun’e na warda di polis. Takelwagen a bin kita e auto y Elmar su trucknan a sera e caminda pa haci nan trabaonan di reparacion.