Diasabra madruga a drenta informe di un accidente na crusada Paardenbaaistraat cu L.G. Smith Blvd., mesora a dirigi un patruya na e sitio. Na yegada di e patruya a bin compronde cu un chauffeur bao influencia a bay crusa e caminda y un auto bayendo pabao a dal den dje y a mand’e bay dal borchi trafico hera pega esaki riba un kiosco. Ora polis a test e chauffeur ela surpasa e limite di alcohol den su curpa. Mesora polis a detene. Polis a nota cu e auto tabata tin sla tur caminda riba e auto pero e chauffeur a bisa polis cu esakinan ta bieuw. Afortunadamente ningun hende a resulta herida.