Diabierna atardi a drenta informe di cu tin un homber cu un herida di hinca den su man y dama cu tin un corta na cabes na Savaneta, mesora a dirigi tanto polis como ambulans na e sitio. Na yegada di e patruya a bin encontra cu un discucion entre pareha y lo ta asumi cu esaki a escala unda ambos a resulta herida. Ambulans a presenta na e sitio pero e homber a bisa cu e mes lo bay hospital cu su auto pa haya atencion mientras e dama a ser atendi eynan mes. Ningun di 2 kier a bisa kiko exactamente a pasa y polis no a detene ningun hende.