Diabierna madruga a drenta informe di un apartamento na candela na compleho di apartamento na Wayaca, mesora a dirigi tanto polis como bomberonan na e sitio. Na yegada di e patruya a cuminsa evacua e compleho por completo y a bin topa cu 2 persona y un baby cu mester di ambulans. Na yegada di e bomberonan mesora a cuminsa combati e candelanan. Na yegada di e prome ambulans nan a atende e persona cu a kibra bentana di glas y a corta su curpa y mesora a bay cun’e pa hospital hunto cu un baby cu lo a inhala e huma. Mientras cu bomberonan ta combatiendo e candela e otro ambulans a presenta y a transporta e dama cu a guli basta huma den e intento pa scapa for di e candela. Slachtoffer hulp tambe a presenta pa suministra ayudo y sosten na e evacuadonan. Despues di un combate basta largo bomberonan a domina e candela y a sigui cu na blussing.