Dialuna mainta a drenta informe di un accidente cu hende herida na rotonde Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffuer no a regula su velocidad ni mantene distancia a bay dal tras di e auto su dilanti. Debi na e impacto un dama den e auto dilanti a cuminsa keha dolor di nek. Na yegada di e ambulans a atende e victima.
