Diasabra madruga a drenta informe di un accidente cu hende herida na Shaba, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Hyundai a lora sin a mira cu un Honda ta biniendo, e chauffeur di e Honda a brake y purba desvia pero e impacto tabata inevitabel. E impacto tabata fuerte y a pone e Honda perde control y baha caminda. Door di e impacto e chauffeur a resulta herida. Na yegada di e ambulans nan a atende y a transporte pa hospital.