Dialuna mainta a drenta informe di un accidente cu hende herida na e crusada Caya Ernesto Harms cu Zoutmanstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un turista biniendo den un Hyundai Accent for Caya Ernesto Harms cu no a para pa duna preferencia na e trafico cu tabata bini for di man drechi riba un caminda di preferencia y a dal esaki mand’e bay dal riba un mata mientras e Accent mes a bira 45 grado. Debi na e fuerte impacto e dama chauffeur di e auto Suzuki di Wit Gele Kruis a resulta herida. Na yegada di e ambulans nan a atende e victima mientras e turista no tabata desea di haya atencion medico.