Diadomingo adrenta informe di cu un auto ta sacando huma na granel riba e caminda di Tanki Flip pa Hato, mesora a dirigi tanto polis como bombero na e sitio. Na yegada di e bomberonan ya e pick-up no tabata saca huma mas nan a core bay te Hato y Pos Abao y no a haya ningun otro auto mas y a bolbe bin pariba hunto cu polis y a bin compronde cu ta e pick-up truck Kia cu nan a topa tabata esun cu tabata saca hopi huma. E huma tabata masha hopi cu autonan no a tribi di sigui riba e caminda y a bira bin bek na ambos banda. Como ya caba e huma a stop bomberonan a regresa na nan post na Tanki Flip y polis a sigui cu nan patruya.