Diadomingo mainta a drenta informe di cu tin un dama turista na Westpunt cu tin problema pa hala rosea y su color di curpa ta cambiando, mesora a dirigi un ambulans na e sitio. Na yegada di e ambulans nan a atende e dama na mas cu 2 ocasion e personal di ambulans mester a dun’e CPR. Bayendo hospital e ambulans a pidi un otro ambulans pa asina por bolbe dun’e CPR. Na altura di Turibana Plaza a bolbe para pa duna CPR. Un segundo ambulans tabata biniendo pa yuda nan. Manera nan a haya pulso a bay direccion hospital lagando e ambulans na Turibana. E personal balente di ambulans ta haci nan maximo esfuerso pa scapa bida di e turista.