Diasabra mainta a drenta informe di un accidente cu hende herida na e crusada di Meiveld banda di Ex-Kong Fui, mesora a dirigi tanto polis como ambulans na e sitio. Na yegada di e patruya a bin compronde cu un Suzuki SX4 biniendo for di pabao a bay probecha y tuma e birada cortico pero net un Kia Rio cu tabata bini di pariba a dal e mand’e bay dal un Toyota Agya cu tabata para panort na e cruzada. E impacto tabata hopi fuerte y 3 persona a resulta herida. Na yegada di e ambulans nan a atende e heridonan cualnan ta 2 den e Suzuki y un den e Kia Rio. Den 2 ambulans nan a ser atendi y transporta pa hospital.