Dama herida den accidente no kier a haya atencion di ambulans ni kier a bay hospital.

Diamars atardi a drenta informe di un accidente cu hende herida net panort di e rotonde banda di Superfood, mesora a dirigi tanto polis como ambulans na e sitio. Na yegada di e patruya a bin compronde cu faltando apenas algun meter pa yega e rotonde un chauffeur biniendo for di Palm Beach a dicidi di bay dal un U-turn. E chauffeur di e Nissan Sentra a bay na e banda robes, baha caminda y subi e otro banda bay dal riba un Kia Sportage bayendo panort. Debi na e impacto e dama chauffeur di e Kia Sportage a resulta herida. Na yegada di e ambulans nan a bay pa atende e dama pero esaki a nenga di ser atendi como tambe nenga di bay hospital cu ambulans. Ambulans a regresa su post bashi.