Diasabra madruga a drenta informe di un accidente na Franse Pas, mesora a dirigi un patruya na e sitio. Na yegada di e patruya a bin compornde cu aki ta trata di un accidente unda cu un dama manehando un Toyota Tercel tabata bayendo direccion Sabana Basora caminda cu Hyundai Getz color blanco tabata biniendo for di direccion contrario y a dal frontal contra e auto pa djey subi un pida cero y bolter. Polis a detene ambos chauffeur pa a core auto bou di influencia di alcohol. Na sitio a bin e pareha di e dama, e tabata papia hopi bruha y tabata stroba Polis ta traha. E tambe a bay hunto cu su pareha y e otro partido den transportwagen pa Warda. Daño material tabata hopi.
