Calabas/Kudawecha – E grandioso y prestigioso palacio di pega piedra, esta Domino Square Garden aya net n’e grens entre Kudawecha y Calabas, a clausura aña 2024 cu tremendo torneo “NOS cu NOS” entre esnan cu henter aña na un moda ehemplar ta practica e deporte aki. Un tremendo ambiente caminda pueblo en general por a bin pasa un rato ameno, goza dje ham y calacuna completamente “on the house” y disfruta dje batayanan di domino.

Shonnan, pa por compronde kico ta un “NOS cu NOS”, un splicacion chikito: tur participante ta skirbi nan nomber riba un pida papel, ta tira esakinan en tombola y despues ta laga lot dicidi ken ta forma patna cu ken. Pues e aña aki, pa puro casualidad, dos integrante di Sport Boys DT a cay cu otro y a bataya fuertemente pa logra gana e trofeo. Ta trata aki di Dotty cu Christian, ambos hungado di Sport Boys. Na di dos luga a logra triunfa nada menos cu e notorio “Snor” Perez hunto nada menos cu e veterano di Vietnam, Dr. Roy Sneek! Na di tres lugar, otro dokter den tou, nada menos cu dr. Tico Dirksz hunto cu su patna p’e anochi Lizienne. Shonnan, gerencia dje palacio di pega piedra, e mundialmente famoso Domino Square Garden, kier a gradici y desea pueblo di Aruba y muy specialmente fanaticonan di “cutting edge” domino un feliz y prospero aña 2025!