Diamars atardi a drenta informe di un accidente cu hende herida na Shiribana Paradera. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un brommer. Un auto a para pa un otro auto subi caminda, e chauffeur a bay subi caminda pero no a tabata sa cu un brommer tabata pasando e auto cu a para duna preferencia. E brommer a bay dal den e auto y e motociclista a resulta herida. Na yegada di ambulans nan a atende e motociclista y a transporte pa hospital.