Diadomingo madruga a drenta informe di un accidente cu hende herida dilanti di Sextasy, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un auto mester a bay banda robes pero no a mira e brommer ta bini y a bay dal riba dje. E motociclista a faractura su pia mientras e chauffeur cual tabata burachi a ser deteni pa polis.
