Diahuebs atardi a drenta informe di cu tin un accidente cu hende herida na e crusada di Caya Danza cu Caya Musica, mesora a dirigi tanto polis of ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di un Kia Picanto biniendo for di Koenoekoe Abao no a para pa duna preferencia na e crusada cu Caya Musica y un Kia Sonet di zuid a bay dal riba dje y e dama chauffeur a resulta herida. Na yegada di e ambulans nan a atende e dama y a transporte pa hospital.