Diabierna merdia a drenta informe di un accidente cu hende herida banda di Dump, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente semi frontal unda un pickup Ford Ranger a malcalcula e velocidad y distancia di e auto contrario y a bira dilanti dje y a bay dal den dje. Debi na e impacto e chauffeur a resulta herida, na yegada di e ambulans nan a atende e victima y a transporte pa hospital.