— Cuerpo Policial Ta Informa—

Departamento di recherche ta haci un apelacion na e persona cu a duna informacion poco tempo pasa relaciona cu e caso di drive by shooting pa tuma contacto cu nan bek.
Ta asina cu dia 18 juli 2023 pa 22:55 a central di polis ta wordo notifica di un drive by shooting na altura di ex-United Dinner na Driemasterstraat. Esaki a cobra bida di e dama Nayibe Isabel Herrera di 31 aña.
Recherche ta tras di un bon pista. Nan ta na altura cu ta trata di un grupo cu ta involucra den hortamento di auto como tambe den e tiramento y e motibo pa cu esaki. Ta pidi e persona cu a duna e informacion poco tempo pasa, pa yama bek y ta garantisa di keda anonimo.
Cuerpo Policial Aruba un biaha mas ta haci un apelacion pa cu es cu a wak algo of sa algo di e caso encuestion pa yama e tiplijn di polis: 11141. Bo ta keda anonimo.