Diaranson mainta a drenta informe di un accidente na e rotonde Cumana, mesora a dirigi un patruya na e sitio. Na caminda pa e sitio a drenta informe di un otro accidente na e mesun rotonde y tin trafico blokia te na Santa Cruz. Na yegada di e patruya a cuminsa hala e autonan pa asina libera e camindanan pa fluho di e trafico. E prome accidente ta un Hyundai Staria cu tabata bini for di Santa Cruz cu a subi e rotonde sin a duna preferencia na e Hyundai Accent cu tabata bini for di airport y nan a dal den otro. E otro accidente a sosode ora un Honda a bay dal tras di un Toyota Prius cu a kita pa e accidente y un honda a bay dal tras di dje. Despues di un par di minuut a sosode otro accidenta mas dilanti di CMart afortunadamente ningun hende a resulta herida.