Diadomingo anochi a drenta informe di un accidente cu hende herida na altura di Romar Trading na Schotlandstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal unda un Toyota Vitz a bay na e banda robes di caminda y a bay dal riba e Ford Escape den cual tabata tin un mucha herida. Na yegada di e ambulans nan a atende e mucha y a transporte pa hospital. Polis a test ambos chauffeur y ambos tabata bebi y a detene tur 2 pa a core bao influencia di alcohol.