Calabas/Kudawecha – Shonnan, ken cu gana eleccion diabierna, “el juego continua” y na e palacio di domino aya na Kudawecha, e unico y mundialmente famoso Domino Square Garden, tur cos ta cla pa ricibi Team Snor cu tapijt cora diadomingo awo 8 did ecember cuminsando pa 1’or di merdia ora cu Team Snor clausura temporada 2024 cu nan famoso torneo “NOS cu NOS”!

E aña aki tabata otro tremendo aña pa tema Snor cu a gana un racha di bataya tras di otro. Un aña invicto! Awo ta keda pa wak cua dje astronan den Team Snor ta bay cu e tan codicia wisselbeker! Aña pasa tabata e duo di Jeff Ruiz y Lou Cecilia. Ken lo triunfa e aña aki? Palabranan ta core den e wandelgang cu t’e mes un duo ta bay cu e trofeo.

Shonnan, fanaticonan di Team Snor, pueblo en general, un y tur ta invita pa diadomingo awor bin presencia e bataya NOS cu NOS di Team Snor. Manera semper, entrada ta completamente gratis, y durante halftime e pasapalonan lo core totalmente por nada! Bini un bini tur diadomingo awor n’e palacio di domino, e unico y mundialmente famoso Domino Square Garden, pa presencia e famosisimo bataya di fin di aña di Team Snor conoci como “NOS cu NOS” diadomingo awo cuminsando pa 1’or di merdia. Yegaaaa!