Diadomingo madruga a drenta informe di cu tin hendenan ta purba duna un hende CPR banda di caminda pariba di Bloemond Supermarket, mesora a dirigi un ambulans na e sitio. Na caminda pa e sitio a dirigi un patruya tambe. Na yegada di e patruya a bin compronde cu aki ta trata di un accidente unda cu un dama a core baha for di auto y un auto maneha pa un persona bao influencia a dal e damita aki. Mesora esnan presente a purba re-anima e damita, Na yegada di e ambulans a haci esfuersonan tambe pero tur esaki tabata envano. A avisa dokter pa e bini y constata e morto di e damita. Na famia di e fayecido nos ta extende nos mas profundo palabranan di condolencia.

—Cuerpo Cuerpo Ta Informa—

Di 12 morto den trafico riba caminda di Bloemond.

Diadomingo madruga pa 02:20 central di polis ta wordo notifica di un accidente riba e caminda di Bloemond. Un auto lo mester a alcansa un peaton.
Na yegada di e patruya di polis ta bin topa cu un hende muhe riba caminda cu no ta reaciona. Ta pidi ambulance cu maximo urgencia. Na yegada di ambulance e paramediconan a duna asistencia medico na e victima pero lamentablemente no por a hqci nada mas pe.
Dr Voskuil ta constata di Jenifer Jeanely Vrolijk naci 28-04-1999 ( 25 aña) na Aruba.

Na e sitio di e sucedido a detene e chauffeur di e Suzuki Vitara, e tabata bao influencia di alcohol.
Specialista di trafico a presenta na e sitio, departamento forensico y Slachtofferhulp. E caso ta bao investigacion.

Cuerpo Policial Aruba ta manda palabra di forsa na e famia di e fayecido.