ORANJESTAD, ARUBA (Feb 27, 2020) – Cosecha ta organisa diferente workshops creativo den su Centro Creativo na San Nicolas den luna di maart.
Diabierna 20 di maart, Claudia van Kessel ta sigui cu su di cuater mosaic workshop di e linea Asiatico cu e ta duna na Cosecha. E biaha aki bo por traha un Koi Karper. Manera ta strandard di e workshop aki, ta traha e piesa na Cosecha di cual piesa tin hopi detaye y lo haja material y instructions pa hasi e grout na cas. E workshop lo tuma lugar di 05.00 pm – 07.30 pm. Edad pa por participa ta 15 anja bai ariba y e prijs pa por participa ta AWG 50.00.
Diabierna 27 di maart, Merveline Geerman ta sigui cu su tayernan popular di mosaic unda ta traha diferente parha local. E anja aki Merveline ta combina e material di tegel cu material cu e ta obtene den naturalesa. E biaha aki por traha un Warawara cu ta para riba un pida driftwood. E workshop lo tuma lugar di 05.00 pm – 08.00 pm. Edad pa por participa ta 15 anja bai ariba y e prijs pa por participa ta AWG 50.00.
Diasabra 28 di maart, Ana Luidens ta bai ofrece pa di dos biaha na Cosecha un workshop unda por pinta un tas, den e caso aki e lo ta un clutch bag. Ana lo guia e workshop aki pa sinja participante con por pinta nan mesun tas y asina wordo introduci na e disciplina aki di arte y moda. E workshop lo tuma lugar di 02.00 pm – 04.00 pm. Edad pa por participa ta 15 anja bai ariba y e prijs pa por participa ta AWG 50.00.
Tur prijs ta inclui material y refreshment.
Inscripcion ta necesario y esaki ta tuma lugar na Cosecha San Nicolas of na Cosecha Oranjestad.
