Diamars anochi a drenta informe di cu un un persona agresivo na un “fastfood” restaurant na Savaneta, mesora a dirigi varios patruya na e sitio. Na yegada di e patruyanan a bin compronde cu e gerente a kita un trahador y a pone pafo di e negoshi. Segun e trahador y esaki a indica cu e gerente kier bende burger na 5 Florin pero usando e burgernan caduca pa “Black Friday” y e como trahador no ta haya e asunto ey sano ya cu esaki por causa e clientela bira malo y hasta consecuencianan fatal. Ademas tin otro cosnan caduca tambe cu e gerente kier usa. Polis a intermedia y a keda palabra cu e empleada lo pasa entrega e uniformnan mayan na oficina y ricibi su pago pa e dianan traha.