Topico: “Workshop Building Resilient Brands: Strategic Communication, Public Relations and Sustainable in Action”

 

ORANJESTAD – Departamento di Asuntonan Economico, Comercio y Industria mediante su unidad di Iniciativa pa Desaroyo pa Empresa Arubano (IDEA) a organisa un workshop: ‘Building Resilient Brands: Strategic Communication, Public Relations and Sustainable in Action’ riba 22 di november 2024.

 

A parti e workshop aki den dos topico:

• ‘Strategic Communication & Public Relations’ y
• ‘Sustainable in Action’.

 

Sra. Ghislaine de Windt-Kemmerling a presenta e prome parti di e workshop. E ta un experto den ‘Marketing & Public Relations’ y actualmente trahando na Tierra del Sol Resort & Golf by Iberostar. El a presenta e siguiente puntonan:

• Introduccion di PR & Comunicacion; cu por varia hopi depende di bo publico
• Pakico e ta importante, kico un PR por haci pa bo empresa y un par di ehempel di bon PR;
• Diferencia entre ‘PR Strategies vs. PR Campaign’;
• Tres tipo di media cu nos conoce den PR y tres tipo di audiencia, con pa comunica cu cada un di nan;
• Con pa haya un pista di e ‘Key Metrics’ nan;
• Con pa ‘dive in’ pa genera un strategia di PR cu ta genera clientenan potencial, haci bo marca famoso y cu lo crea un comunidad;
• Usando PR pa crea un trafico riba bo website;
• Con pa maneha y midi exito di un plan di PR y comunicacion;
• Skirbi comunicadonan di prensa y genera storianan;
• Genera autoridad y liderazgo intelectual mediante medionan di comunicacion;

Na final di e sesion aki, sra. Ghislaine a haci un ‘Quiz’ cu e grupo pa wak si nan a comprende e materia presenta y tambe a presenta un par di scenario di ‘Crisis Management’ como un actividad chikito pa nan discuti den grupo.

 

 

Sra. Dae Hereira, cu ta un experto den sostenibilidad y actualmente trahando na Iberostar  a presenta e  siguiente parti di e workshop:

• E practicanan di sostenibilidad na Aruba riba e tereno di maneho di desperdicio, cuminda/agricultura, medio ambiente, transporte, comunidad y informacion;
• A focus riba e parti di ‘Linear Economy’, kico ta encera esaki, e modelo actual y a pone enfasis riba cada parti di e modelo actual;
• A trata e parti di ‘disposal’ y ‘waste’;
• A recomenda pa tira un bista riba ‘The Story of Stuff’ riba Youtube pa ta mas consciente riba e topico aki;
• A haci e pregunta na e grupo: abo por sa ‘na unda bo sushi ta bay’?;
• A splica e sistema di reciclahe cu tin actualmente na Aruba;
• Kico nos por haci den e parti di reduci, reusa, drecha, y recicla na Aruba;
• A pone enfasis riba e servicio di reciclahe di plastic na Aruba;
• A splica riba e importancia di economia circular y su componentenan;
• A recomenda pa bishita e website di ‘Arubazerowaste.com’;

Na final sra. Dae Hereira a pone hopi enfasis riba e topico di medio ambiente.

 

Durante y despues di e presentacion e oradoranan a contesta tur e preguntanan cu a bin di parti di e participantenan. E contestanan ricibi tabata satisfactorio y comprendibel.

 

E workshop aki a tuma luga na Departamento di Asuntonan Economico y a haya un participacion di un total di 20 persona. IDEA ta sumamente contento cu e contenido di e workshop y tambe di e bon comentarionan ricibi di su participantenan na final di e workshop. E contenido tawata sigur hopi informativo y interesante.

 

IDEA su eventonan ta dedica na SMEs (Small & Medium Enterprises) y tur cu ta desea di cuminsa of expande un negoshi y cu kier educa nan mes riba diferente topiconan comercial.

 

Un danki na tur e participantenan y un danki special na e oradoranan sra. De Windt-Kemmerling y sra. Hereira cu a comparti nan experticio cu tur esnan cu tawata presente durante e workshop aki.

 

Nos siguiente y ultimo workshop pa aña 2024 lo ta ‘Kid$ BIZ Market’ cu ta special pa nos muchanan di entre 9 te cu 11 aña di edad. Esaki lo tuma lugar dia 18-19-20 december 2024. Participacion ta GRATIS. Registracion lo habri PRONTO.