Diadomingo madruga a drenta informe di cu tin un pelea anto cu un hende herida na un club na Bubali, mesora a dirigi patruyanan na e sitio. Na yegada di e patruya a bin compronde cu enberdad tabata tin un pelea pero tanto e victima como e sospechoso a bandona e sitio caba. Polis a nota cu tin basta sanger tanto paden como pafo di e lugar. Polisnan a pidi pa e investigadornan technico y forensyco presenta pa inicia cu e investigacion. Mas despues polis a bay hospital pa tuma declaracion pero como cu ainda nan tabata bezig cu e victima nan a palabra cu asina cu nan caba nan lo bay warda di polis pa entrega e keho.