Diadomingo madruga a drenta informe di un accidente cu hende herida na e rotonde Noord, mesora a dirigi tanto polis como ambulans na e sitio. Na yegada di e patruya a bin compronde cu e chauffeur burachi di un Mini Cooper shinishi a dal riba e acera di e rotonde y despues bay dal riba otro auto yegando e rotonde. Polis mesora a detene e chauffeur y na yegada di e vehiculo di transporte e chauffeur a bira fresco y polis mester a usa forsa di man pa hink’e den e vehiculo di transporte. Un persona den e otro auto a resulta herida y a pidi ambulans p’e. Na yegada di e ambulans nan a atende e persona na e sitio mes.