Diasabra madruga a drenta informe di un accidente cu hende herida riba Sasakiweg pariba di ex-House of Cheng’s, mesora a dirigi tanto polis como ambulans na e sitio. Na yegada di e patruya a compronde cu un chauffeur burachi a bay slow diripiente pa mira un bus cambiando tire y a lubida un auto biniendo su tras y ta dal tras di su auto. Door di e impacto chauffeur cu a dal tras di e auto a resulta herida. Na yegada di e ambulans nan a atende e chauffeur na e sitio mes. Polis a test e chauffeur di e auto dilanti y a bin descubri cu e chauffeur ey ta bao influencia y a detene mesora. E vehiculo di transporte a bin busca e chauffeur bao influencia y a bay cun’e na warda di polis.